|
Brema ez euz eun tri c'hant vloaz, E reat ama miraclou braz; Mes neuze e oue ordrenet Na vije ar feunteun stanket. Ar feunteun prest a oue stanket, Mes goulsconde ne c'helljot ket Coll ar zoursenn, a ioa creno braz, Hag a red hirio 'vel biscoaz. Mes abaez sonjal niveri Ar burzuden zo great ennrhi, Guelomp eun darn euz a vuez Anastas geaz, ar verzerez. Euz a Goat-Meur oa ginidic, A lignez nobl ha pinvidic; Mes an histor ne lavar ket E pe amzer eo bet ganet. Deut ma oue d'an oad a rezoun, E oue douget d'an orezoun Gant he mamva vad, Santes Bider, Eun itroun vraz euz ar c'hanter. Ho diou eta en em dennent En eur vengleuz, e corn an hent, Da bedi, eharz ar c'hoat Ar verc'hez vari hag he mab. Pa oue achu he femzee vloaz, He sad ractal a lavaras He rei da eur c'hount da bued, Hag hen ar c'hount Arthur hanvet. Hogen, hi e devoa goestlet D'he Zalver Jesus he guerc'hdet, Hag arc'helou-ze pa glevas, He goestl kerkent a nevezas. Ar c'hount Arthur, prestic goude, Euz he gastell a ziblase, A ziblase gant eun hast braz Da zont da velet Anastas. Ar c'hount Arthur a c'houlenne Ro ti'r zantes pa ziskenne: Peleac'h eta' ma'n dimezell? Mes n'edo ket ‚barz er c'hastell. Casset a oue neuze timat Servicherien a bezz he zad Evit he c'hlask da zimezi Mes den ne gave anezhi. Nemet he mamm ne c'houie den Peleac'h edo gant he fedenn. He mamm eta a redas prount D'he c'hlask da zont da gaout ar c'hount. Gant he mamm vad, santes Bider, Anastas a zistro d'ar gêr, Ha pa erru e tal an or, Ar c'hount he reces gant henor. Hir her salud gant peb respet, Mes heb lavaret ger ebet; Trist er c'hastell ec'h antreas: Ar c'hount Arthur he remerkas. He zad neuze, gant eun trein braz, Euz he gastell a ziblasas Evit cass kelou hed a hed a zolanite an eured. Tud ar c'hount Arthur da Goat-Meur A den ivez abarz nemeur Ha pa zigouezont er c'hastell, E c'houlennont an dimezell. |
|
Lampaul-guimiliau.com |